रौतहटको वृन्दावन नगरपालिकामा नेकपा एसको विजय, कुर्मी बने मेयर
नेपाल प्रेस
२०७९ जेठ ९ गते १७:०५
काठमाडौं । नेकपा एकीकृत समाजवादीका अध्यक्ष माधवकुमार नेपालको गृहजिल्ला रौतहटमा सो पार्टीले तेस्रो नगरपालिकामा जित निकालेको छ ।
वृन्दावन नगरपालिकाको मेयर र उपमेयर दुवै पदमा नेकपा एसका उम्मेदवार विजयी भएका छन् ।
मेयरमा नेकपा एसका उम्मेदवार विनोद प्रसाद कुर्मी ६,११२ मत ल्याई विजयी भएका छन् ।
उनले निकटतम प्रतिद्वन्द्वी नेपाली कांग्रेस उम्मेदवार रामस्नेही राय यादवलाई १,४३४ मतान्तरले पराजित गरेका हुन् ।
पराजित रामस्नेही राय यादवले ४,६७८ मत ल्याएका छन् ।
यस्तै पनि सोही पार्टीकी उम्मेदवार संगीता कुमारी राम ५,७७२ मत सहित विजयी भएकी छन् ।
उनका निकटतम प्रतिद्वन्द्वी नेपाली कांग्रेसकी उम्मेदवार सैवुन खातुनले ४,६८८ मत ल्याएकी छन् ।
यसअघि नेकपा एसले गौर नगरपालिका र राजदेवी नगरपालिकामा जित हासिल गरिसकेको छ ।
नेपाल प्रेस
प्रकाशित: २०७९ जेठ ९ गते १७:०५
प्रतिक्रिया
सम्बन्धित खवर
