१३ स्थानीय तहको मात्र गणना बाँकी, कहाँ कसको अग्रता ? (सूचीसहित)

काठमाडौं । वैशाख ३० गते कुल ७५३ स्थानीय स्थानीय तहका लागि भएको मतदान अनुसार हालसम्म ७४० तहको अन्तिम नतिजा सार्वजनिक भइसकेको छ ।

जसअनुसार अब १३ वटा स्थानीय तहको अन्तिम नतिजा आउन मात्र बाँकी छ । त्यसमा पनि ११ वटाको मतगणना भइरहेको छ भने दुईवटा तहको गणना नै सुरू भएको छैन ।

जारी मतगणनामा पनि ११ मध्ये ४ तहमा नेपाली कांग्रेसको अग्रता देखिएको छ भने । ३ मा नेकपा एमालेका उम्मेदवारले अग्रता लिइरहेका छन् । त्यसपछि नेकपा माओवादी केन्द्र, जनता समाजवादी पार्टी र नेकपा एकीकृत समाजवादी पार्टीले १/१ तहमा अग्रता लिइरहेका छन् ।

काठमाडौं महानगरपालिकामा स्वतन्त्र उम्मेदवार बालेन्द्र साहको अग्रता छ ।

अन्तिम मत परिणाम आउन बाँकी रहेका पालिकाहरू :

कांग्रेसको अग्रता भएका तहहरू

१) कटारी नगरपालिका, उदयपुर
२) ललितपुर महानगरपालिका, ललितपुर
३) तिलोत्तमा नगरपालिका, रुपन्देही
४) महाराजगञ्ज नगरपालिका, कपिलवस्तु

एमालेको अग्रता भएका तहहरू

१) गरूडा नगरपालिका, रौतहट
२) पचरौता नगरपालिका, बारा
३) तुलसीपुर उपमहानगरपालिका, दाङ

माओवादी केन्द्रको अग्रता भएका तहहरू

१) फतुवा विजयपुर नगरपालिका, रौतहट

जसपाको अग्रता भएका तहहरू

१) गढीमाई नगरपालिका, रौतहट

नेकपा एसको अग्रता भएका तह

१) पोखरा महानगरपालिका, कास्की

स्वतन्त्रको अग्रता भएका तह

१) काठमाडौं महानगरपालिका, काठमाडौं

गणना सुरू नै नभएका तहहरू

१) त्रियुगा नगरपालिका, उदयपुर
२) बुढीगंगा नगरपालिका, बाजुरा