पचरौताको मेयर र उपमेयरमा एमाले विजयी

बारा । पचरौता नगरपालिकाको मेयर र उपमेयरमा नेकपा (एमाले)का उम्मेदवार निर्वाचित भएका छन् । एमालेका जलनदर सिंहले ४ हजार ७३३ मत ल्याई निर्वाचित भएका छन् ।

उनका निकटतम प्रतिस्पर्धी जनता समाजवादी पार्टीका रमेश यादवले चार हजार ४६१ मत प्राप्त गरे। उपमेयरमा पनि एमालेकै नसिमा खातुनले चार हजार ५३८ मत ल्याई निवार्चित भएकी छन् ।

उनका निकटतम प्रतिस्पर्धी जनता समाजवादी पार्टीकै सगुफा खातुन चार हजार १६३ मत ल्याएकी थिइन् । २०७४ को स्थानीय तहको निर्वाचनमा तत्कालीन सङ्घीय समाजवादी पार्टीकातर्फबाट रमेशकुमार यादव प्रमुखामा र ईन्दुदेवी यादव उपप्रमुखमा निर्वाचित भएको थियो ।