सुदूरपश्चिमको परिणाम : दार्चुलामा कांग्रेस, डडेलधुरामा एमाले र बाजुरामा माओवादी नील
सात जिल्लामा नेकपा एस शून्य
२०७९ जेठ १० गते १४:३२
कैलाली । सुदूरपश्चिम प्रदेशमा ८८ स्थानीय तह मध्ये ८७ स्थानीय तहको परिणाम सार्वजनिक भएको छ ।
बाजुराको बुढीगंगा नगरपालिकामा विवादका कारण अझै सम्म मत गणना सुरु हुन सकेको छैन । यहाँ कांग्रेसले पुन मतदानको माग गरेको छ भने एमालेले मत गणना गर्नु पर्ने बताउँदै आइरहेको छ ।
९ जिल्ला रहेको सुदूरपश्चिम प्रदेशमा कांग्रेस एमाले र माओवादी आठ ÷आठ जिल्लामा विजयी भएका छन् । तीन वटै दलले प्रमुखमा अहिले सम्म एक एक जिल्लामा उपस्थिति देखाउन सकेका छैनन् ।
कांग्रेसले प्रमुखमा ४० पालिका जित्दा पनि दार्चुला जिल्लामा भने कुनै पनि पालिका जित्न सकेन । त्यो बाहेक कैलालीमा तीन, कञ्चनपुरमा पाँच, डोटीमा सात, अछाममा सात, बैतडीमा चार, बझाङमा छ, बाजुरामा तीन र डडेलधुरामा पाँच पालिका प्रमुख जितेको छ ।
एमालेले २५ पालिका जितेर सुदूरपश्चिममा दोस्रो भएको छ । २५ पालिका जित्दा पनि एमालेले डडेलधुरामा शून्य हुनु परेको छ ।
त्यो बाहेक कैलालीमा दुई, कञ्चनपुरमा तीन, डोटीमा एक, अछाममा दुई, बैतडीमा चार , बझाङमा तीन , बाजुरामा पाँच र दार्चुलामा पाँच पालिका प्रमुख जितेको छ ।
माओवादी केन्द्र सुदूरपश्चिम प्रदेका ९ जिल्लामा मध्ये बाजुरामा कुनै पनि पालिका जित्न सकेको छैन । बाजुराको बुढिगंगामा विवाद देखिएको छ । यहाँ पनि माओवादी कमजोर छ ।
त्यो बाहेक कैलालीमा दुई, कञ्चनपुरमा एक, डोटीमा एक, अछाममा एक, बैतडीमा एक , बझाङमा दुई , दार्चुलामा चार र डडेलधुरामा दुई पालिका प्रमुखमा माओवादी विजयी भएको छ ।
नेकपा एकीकृत समाजवादी सुदूरपश्चिमका ९ जिल्ला मध्ये ७ जिल्लामा शून्य भएको छ । प्रमुखमा नेकपा एस दुई जिल्लामा मात्रै विजयी भएको छ । कैलाली र बझाङमा नेकपा एकीकृत समाजवादीका उम्मेदवारले प्रमुखमा विजयी भएका हुन् ।
दुई जिल्लामा स्वतन्त्र र एक जिल्लामा रेसम चौधरीको पार्टी नागरिक उन्मुक्ति पनि विजयी भएको छ ।
कांग्रेसका ४६, एमालेका २३, माओवादीका ११ नागरिक उन्मुक्तिमा तीन, एकीकृत समाजवादीका तीन र एक स्वतन्त्र उम्मेदवारले उपप्रमुख जितेको छ ।
कांग्रेसले सबै जिल्लमा उपप्रमुख जितेको छ । एमालेले डडेलधुरामा उपप्रमुख जित्न सकेको छैन भने माओवादी केन्द्रले बाजुरा डोटी र कञ्चनपुरमा उपप्रमुख जित्न सकेको छैन ।
एकीकृत समाजवादीले बझाङ र अछाममा मात्रै उपप्रमुख जितेको छ । नागरिक उन्मुक्ति र स्वतन्त्रले एक एक जिल्लामा उपप्रमुख जितेका छन् ।
प्रकाशित: २०७९ जेठ १० गते १४:३२
प्रतिक्रिया
सम्बन्धित खवर
