सुमन सायमीको वडामा आँखिझ्यालको अग्रता, पछ्याउँदै लौरो

काठमाडौं । काठमाडौं महानगरको वडा नम्बर १३ को जारी मतगणनामा स्वतन्त्र उम्मेदवार सबैभन्दा अगाडि छन्, तर बालेन होइन ।

आँखिझ्याल चुनावचिन्ह लिएर लडेका सुमन सायमीले यस वडामा अग्रता लिएका हुन् । यो सायमीको घर भएको वडा हो ।

हालसम्म ४ हजार ६ सय ९० मतको गणना भइसक्दा आँखिझ्यालले सर्वाधिक ११३२ भोट पाएको छ । दोस्रोमा अर्का स्वतन्त्र उम्मेदवार बालेन साह छन् । उनको लौरोमा १०६३ भोट आएको छ ।

एमाले र कांग्रेस यस वडामा क्रमशः तेस्रो र चौंथो स्थानमा छन् । एमालेका केशव स्थापितले ९०४ भोट ल्याएँदा कांग्रेसकी सिर्जना सिंहको ६८० भोट आएको छ ।