आयल निगमको भलवारी प्रादेशिक डिपोभित्र २ वटा ट्यांकरमा आगलागी (भिडिओ)

काठमाडौं । नेपाल आयल निगमभित्र राखेको तेल बोक्ने २ वटा ट्यांकरमा आगलागी भएको छ । रुपन्देहीको भलवारीस्थित नेपाल आयल निगमको प्रादेशिक डिपो परिसरमा पेट्रोलियम पदार्थ बोकेको २ वटा ट्यांकरमा आगलागी भएको हो ।

रुपन्देही प्रहरी प्रमुख रवीन्द्र रेग्मीले २ वटा पेट्रोलियम पदार्थ बोकेको तेल ट्यांकरमा आगो लागेको जानकरी दिए । उनले भने, ‘ लु २ ख २६५६ पेट्रोल बोकेको गाडी पूर्ण क्षति भएको छ । डिजेल बोकेको गाडीमा भने सामान्य क्षतिमात्रै भएको छ । के कारणले आगलागी भएको हो भन्नेबारे जानकारी आएको छैन । अनुसन्धान भइरहेको छ ।’

प्रहरीका अनुसार लु २ ख ५६८५ नम्बरको डिजेल बोकेको ट्यांकरमा सामान्य क्षति भएको छ ।