शाकिराकाे अपिल अदालतले गर्‍याे खारेज, करछलीमा मुद्दा चलाउने बाटो खुल्यो

काठमाडौं । कोलम्बियाली पप स्टार शाकिरा ठगी मुद्दाका कारण अहिले चर्चामा छिन् । स्पेनको एक अदालतले कर छलीमा शाकिराको अपिल खारेज गरेको छ । त्यसपछि उनीविरुद्ध मुद्दा चलाउने बाटो खुलेको छ ।

शकिरामाथि कर छलीको आरोप सन् २०१८ मा पहिलो पटक समाचारमा आएको थियो । त्यसबेला स्पेनका वकिलहरूले सन् २०२१ देखि २०१४ सम्म सिंगरले करिब १५ करोड ५० लाख डलर वा १२० करोड कमाइ जम्मा नगरेको आरोप लगाएका थिए ।

यस मामिलामा शाकिरा पनि सन् २०१९ को जुनमा अदालतमा हाजिर भएकी थिइन् । उनले आफ्नो गल्ती अस्वीकार गरेकी छन् । उनले कर कार्यालयबाट जानकारी पाएलगत्तै रकम जम्मा गरेको पनि बताएकी थिइन् ।

यस मुद्दाको सुनुवाइ गर्दै अदालतले भन्यो, ‘शाकिराले कर नतिरेको र नियम पालना नगरेको हामीसँग पर्याप्त प्रमाण छ।’ यस्तो अवस्थामा गायकमाथि मुद्दा चलाउन सकिन्छ ।

यदि उनीमाथि लगाइएको आरोप सत्य प्रमाणित भएमा र अदालतले दोषी ठहर गरेमा उनलाई सजाय हुन सक्छ या उनलाई जेलसँगै जरिवाना पनि हुन सक्नेछ । यद्यपि यो कुराको आधिकारिक पुष्टि भने भइसकेको छैन ।