चुनावअघि एमालेमा लागेका अनेरास्ववियूका उपमहासचिव नेकपा एसमै फर्किए

काठमाडौं । स्थानीय चुनावको पूर्वसन्ध्यामा नेकपा एमालेतिर लागेका नेकपा एकीकृत समाजवादी निकट विद्यार्थी संगठन अनेरास्ववियूका उपमहासचिव मेघनाथ चापागाई सोही पार्टीमा फर्किएका छन् ।

आइतबार पार्टी अध्यक्ष माधवकुमार नेपाललाई भेटेर चापागाईले आफू केही समय विवशतावस अलमलमा परेको भन्दै संगठनमा फर्किएका जनाएका छन् । उनले अब कहिले पनि आफू तलमाथि नहुने बताएका छन् ।

चुनावअघि वैशाख १८ गते चापागाई एमालेमा प्रवेश गरी स्याङ्जाको चापकोट नगरपालिकामा एमाले जिताउन सक्रिय भएका थिए । चुनावलगत्तै उनी एमालेबाट नेकपा एसमा फर्किएका हुन् ।