पार्टीबाट निर्वाचित जनप्रतिनिधिलाई माओवादीले हिमालय होटलमा पार्टी दिने
नेपाल प्रेस
२०७९ जेठ १८ गते १३:१८
काठमाडौं । नेकपा माओवादी केन्द्रले आफ्नो पार्टीबाट स्थानीय चुनावमा निर्वाचित जनप्रतिनिधिहरुलाई पार्टी दिने भएको छ ।
कुपण्डोलको पाँचतारे होटल हिमालयमा आज बेलुकी ७ देखि नौ बजेसम्म पार्टी आयोजना गरिएको हो ।
माओवादीले अहिले कुमारी हलमा आफ्नो पार्टीबाट निर्वाचित जनप्रतिनिधिहरुलाई अभिमुखीकरण गरिरहेको छ ।
सोही कार्यक्रममा सञ्चालकले हिमालय होटलमा पार्टी आयोजना गरिएको जानकारी गराएका थिए । अभिमुखीकरणमा देशभरका माओवादी जनप्रतिनिधिहरु उपस्थित छन् ।
यस चुनावमा माओवादी केन्द्रले ५ हजार ४५ पद जितेर तेस्रो भएको छ । जसमा २५ मेयर, ९६ गाउँपालिका अध्यक्ष, ३३ उपमेयर, ९५ गाउँपालिका उपाध्यक्ष छन् । यस्तै १ हजार ५३ वडाध्यक्ष, ९६३ महिला सदस्य, ९७३ दलित महिला सदस्य, १ हजार ८०७ खुला सदस्य माओवादी केन्द्रले जितेको छ ।
नेपाल प्रेस
प्रकाशित: २०७९ जेठ १८ गते १३:१८
प्रतिक्रिया
सम्बन्धित खवर
