नेपालगञ्जमा शहीद सेतु विकको सालिक पनि तोडफोड

रुपन्देही । पूर्वराजा वीरेन्द्रको सालिक हटाउने क्रममा तनावग्रस्त बनेको नेपालगञ्जमा अर्को सालिक पनि तोडफोड गरिएको छ । केही बेरअघि आक्रोशित स्थानीयले न्यूरोडमा राखिएको जनआन्दोलनका शहीद सेतु विकको सालिक तोडफोड गरिएको हो ।

यसअघि धम्बोजीचोकस्थित पूर्वराजा वीरेन्द्रको पुन:थापित सालिक प्रहरीले बल प्रयोग गरेर हटाएको थियो । सोक्रममा झडप हुँदा केही प्रदर्शनकारी घाइते भएका छन् ।

वीरेन्द्रको सालिक हटाइएपछि आक्रोशित समूहले अर्को सालिक तोडफोड गरेका हुन् । प्रहरीले विकको सालिक तोडफोडमा संलग्न आरोपमा केहीलाई पक्राउ गरेको छ ।