फोहोर व्यवस्थापनबारे स्थानीयसँग छलफल गर्न बालेन र सुनिता सिसडोलमा

काठमाडौं । काठमाडौंको फोहोर व्यवस्थापनसँगै स्थानीय सरोकारका विषयमा छलफल गर्न काठमाडौं महानगरपालिकाका नवनिर्वाचित मेयर बालेन साह र उपमेयर सुनिता डंगोल सिसडोल पुगेका छन् ।

हिजो सहरी विकासमन्त्री रामकुमारी झाँक्रीसँगको भेटघाटपछि स्थानीयका समस्या र पूर्वाधार विकासबारे अध्ययन गर्न सिसडोल गएको उपमेयर सुनिता डंगोलले बताइन् ।

काठमाडौंको फोहोर व्यवस्थापनलाई प्राथमिकतामा राखेको बताउँदा आएका मेयर साह चुनाव जितेलगत्तै पनि सिसडोल पुगेका थिए । मेयर साह र उपमेयर डंगोल एकैचोटि सिसडोल पुगेको यो पहिलोचोटि हो ।

डम्पिङ साइटका कारण निकै समस्या झेल्नुपरेको भन्दै सिसडोलबासी समयसमयमा आन्दोलित हुने गरेका छन् ।