जरायोको आखेटोपहारसहित दुईजना पक्राउ

जनकपुरधाम । जरायोको आखेटोपहार बिक्री गर्न लागेका दुई युवकलाई धनुषा प्रहरीले पक्राउ गरेको छ ।

पक्राउ पर्नेमा महोत्तरीको महोत्तरी गाउपालिका ३ का २० वर्षीय रितेश कुमार पाण्डे र धनुषाको जनकपुरधाम उपमहानगरपालिका २४ का २० वर्षीय सोनु कुमार पाण्डे रहेका छन् ।

जनकपुरधाम उपमहानगरपालिका २४ बाट पक्राउ परेका उनीहरुबाट जरायोको रातो खैरो रंगको तिन सिंगे १ थान सिंह र कालो रंगको दुई सिंगे १ थान बरामद भएको प्रहरीले जनाएको छ ।

ज. ९ प.२७३ नम्बरको मोटरसाईकल समेत बरामद गरिएको र जरायोको बरामद सिंहसहित दुबै जनालाई आवश्यक कारवाहीका लागि डिभिजन वन कार्यालयलाई बुझाएको जिल्ला प्रहरी कार्यालय धनुषाले जनाएको छ ।