पाकिस्तानमा इमरान खानको हत्या हुन सक्ने हल्ला, इस्लामाबाद प्रहरी ‘हाइ अलर्ट’मा

काठमाडौं । पाकिस्तानका पूर्वप्रधानमन्त्री इमरान खानको हत्या हुन सक्ने हल्ला व्यापक बनेपछि इस्लामाबाद प्रहरीले ‘हाइ अलर्ट’ जारी गरेको छ ।

पाकिस्तानी सञ्चारमाध्यमहरुले जानकारी गराएअनुसार हाल प्रहरीले धारा १४४ जारी गरेको छ । इमरानको सार्वजनिक भेटघाटलाई समेत प्रतिबन्ध गरिएको छ । यस्तै खानको घर वरपर पनि ठूलो मात्रामा सुरक्षा बल तैनाथ गर्दै सो क्षेत्रमा कर्फ्यु लगाइएको मिडिया रिपोर्टमा उल्लेख छ ।

खानको हत्या हुने हल्ला फैलिएसँगै इमरानका भतिजा हसन नियाजीले इमरानमाथि कुनै किसिमको हमला हुनु सिङ्गो पाकिस्तानमाथि हमला हुनु हो भन्ने प्रतिक्रियासमेत दिएका छन् ।

यस्तै इमरान नेतृत्वको सरकारमा मन्त्रीसमेत रहेका फवाद चौधरीले हालैमात्र देशको सेक्युरेटी एजेन्सीले इमरानको हत्या गर्ने प्रयास गरिरहेको दाबीसमेत गरेका थिए ।