वातावरण दिवसमा अखिलको वृक्षारोपण

काठमाडौं । विश्व वातावरण दिवसका अवसरमा नेकपा एमालेनिकट विद्यार्थी संगठन अनेरास्ववियुले काठमाडौंका विभिन्न क्याम्पस परिसरमा वृक्षारोपण गरेको ।

त्रिभुवन विश्वविद्यालय कीर्तिपुरमा भएको वृक्षारोपण कार्यक्रममा अखिल अध्यक्ष सुनिता बराल, महासचिव समिक बढाललगायतका नेताको उपस्थिति थियो । अखिलले टीयू परिसरसँगै बबरमहल र माइतीघरमा पनि वृक्षारोपण गरेको छ ।

माइती घर र बबरमहलमा पोखरा विश्वविद्यालयको अखिल कमिटीले वृक्षारोपण गरेको हो भने कीर्तिपुरमा टीयू राष्ट्रिय कमिटीले वृक्षारोपण गरेको विद्यार्थी नेता नरेश रोकायाले जानकारी दिए ।

वातावरण दिवसका अवसरमा आज देशभर विभिन्न कार्यक्रम भएका छन् ।