कटुवा पेस्तोलसहित २ जना पक्राउ
नेपाल प्रेस
२०७९ जेठ २७ गते १८:४४
काठमाडौं । रौतहटमा कटुवा पेस्तोलसहित दुई जनालाई प्रहरीले पक्राउ गरेको छ ।
ईशनाथ नगरपालिका-४ महुलिया बस्ने ३० वर्षीय रामबाबु सिंह र भारत विहार ग्राम पर्सा बस्ने ४० वर्षीय कृष्ण साहलाई कटुवा पेस्तोलसहित शुक्रवार बिहान प्रहरीले पक्राउ गरेको हो ।
उनीहरूबिच लेनदेनको विषयमा विवाद भएको भन्ने खबर प्राप्त हुनासाथ प्रहरी चौकी मठियाबाट खटिएको प्रहरीले जाँच गर्दा उक्त पेस्तोलसहित फेला पारी दुवै जनालाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
नेपाल प्रेस
प्रकाशित: २०७९ जेठ २७ गते १८:४४
प्रतिक्रिया
सम्बन्धित खवर
