मिनी ट्रकको ठक्करबाट कोटेश्वरमा एक महिलाको मृत्यु
नेपाल प्रेस
२०७९ जेठ ३० गते १०:४७
काठमाडौं । काठमाडौंको कोटेश्वरमा गएराति मिनी ट्रकको ठक्करबाट मोटरसाइकलमा सवार एक महिलाको मृत्यु भएको छ ।
मृत्यु हुनेमा पाँचथरको मिक्लाजुङ गाँउपालिका-५ घर भई हाल काठमाडौंको काडाँघारी बस्ने अन्दाजी ३४ बर्षीया सम्झना राई छिन् ।
ट्रकको ठक्करबाट गम्भीर घाइते भएकी राईको महाराजगञ्जस्थित त्रिवि शिक्षण अस्पतालमा उपचारको क्रममा राति सवा १० बजे मृत्यु भएको हो ।
कोटेश्वरबाट जडिबुटीतर्फ जाँदै गरेको ना. ५ ख २८१९ नम्बरको मिनी ट्रकले सोही दिशातर्फ जाँदै गरेको बा. ७१ प ३०५४ नम्बरको मोटरसाइकललाई गएराति पौने १० बजे ठक्कर दिएको थियो ।
दुवै सवारी साधन र चालकलाई प्रहरी प्रभाग कोटेश्वरले नियन्त्रणमा लिएको छ ।
नेपाल प्रेस
प्रकाशित: २०७९ जेठ ३० गते १०:४७
प्रतिक्रिया
सम्बन्धित खवर
