त्रिभुवन अन्तर्राष्ट्रिय विमानस्थलबाट गोलीसहित महिला पक्राउ
नेपाल प्रेस
२०७९ असार १ गते १३:१५
काठमाडौं । त्रिभुवन अन्तर्राष्ट्रिय विमानस्थलबाट एक राउण्ड गोलीसहित एक महिला पक्राउ परेकी छन् ।
विमानस्थलकको आन्तरिक उडानतर्फको प्रस्थान ह्योण्ड ब्यागेज चेकिङ एरियाबाट एक राउण्ड गोली सहित सर्लाही हरिपुर नगरपालिका-७ बस्ने ३६ वर्षीया किरण कुमारी सिंहलाई मंगलबार साँझ प्रहरीले पक्राउ गरेको हो ।
बुद्ध एयरको उडानद्वारा काठमाडौंबाट जनकपुर जान लागेकी यात्रु सिंहले लिएर आएको झोला ह्यालण्ड ब्यागेज चेकिङ एरियाको एक्सरे मेसिनमा जाँच गर्ने क्रममा उक्त गोली फेला पारी प्रहरीले पक्राउ गरेको विमानस्थलले जनाएको छ।
उनलाई आवश्यक अनुसन्धान एवं कारबाहीको लागि प्रहरी वृत्त गौशाला पठाइएको अन्तर्राष्ट्रिय विमानस्थल सुरक्षा कार्यालय गौचरले जनाएको छ ।
नेपाल प्रेस
प्रकाशित: २०७९ असार १ गते १३:१५
प्रतिक्रिया
सम्बन्धित खवर
