ओली भन्छन्- पार्टीप्रति बफादार नहुने कार्यकर्ता नै होइन (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/06/kp-oli-4.jpg)
काठमाडौं । नेकपा एमालेका अध्यक्ष केपी शर्मा ओलीले आफ्नो पार्टी संघर्षको निर्णायक विन्दूमा रहेको बताएका छन् । एमालेबाट निर्वाचित जनप्रतिनिधिहरूलाई काठमाडौंमा प्रशिक्षण दिँदै उनले यस्तो बताएका हुन् ।
‘यस्तो पार्टी जो संघर्षको निर्णायक विन्दूमा छ । यतिबेला पनि पार्टीप्रति निष्ठा नहुने यो कुरा कल्पना पनि गर्न सकिन्न’, उनले भने, ‘हाम्रो जस्तो पार्टीप्रति पनि बफादार हुन्न भने त्यो पार्टी कार्यकर्ता नै होइन ।’
पार्टीभित्र बसेर पार्टीलाई खुइल्याउने, पार्टीको प्रभाव कम पार्ने, त्यो पार्टीको नेता-कार्यकर्ता केही पनि नहुने उनले बताए ।
यस्तै अहिले आफूले पार्टीलाई एकढिक्का बनाएको अध्यक्ष ओलीले दाबी गरे । उनले भने, ‘यतिबेला हामीले वास्तवमा पार्टीलाई एकढिक्का बनायाैं । एक तरिका, एक तालले हिडाउने ।’
यसको उद्देश्य भनेको समृद्ध नेपाल सुखी नेपालीको गन्तव्य प्राप्ति रहेको उनले बताए ।
‘हाम्रो गन्तव्य भनेको देशको गन्तव्य हो । जनताको गन्तव्य हो । यो राष्ट्रिय गन्तव्य हो’, उनले भने, ‘समृद्ध नेपाल सुखी नेपाली यसमा हामीले पुगिछोड्नु छ र यहाँ पुग्न हामीलाई रोक्नेलाई परास्त गर्नुछ ।’