काठमाडौं अदालत परिसरबाट भागेका अभियुक्त ३ घण्टामै पक्राउ
नेपाल प्रेस
२०७९ असार ६ गते ६:३९
काठमाडौं । लागुऔषध मुद्दामा म्याद थपका लागि अदालत लगिएका एक अभियुक्त फरार भएको ३ घण्टामै पक्राउ परेका छन् ।
हिजो साढे ५ बजे काठमाडौं जिल्ला अदालतबाट भागेका सप्तरी कचन गाउँपालिका-२ घर भइ काठमाडौं तिलगंगा बस्दै आएका २८ वर्षीय अनिल ठाकुरलाई केही बेरमै पक्राउ गरिएको प्रहरीले बताएको छ ।
प्रहरीका अनुसार उपत्यकाका सबै प्रहरी युनिटमा खबर गरी काठमाडौंबाट बाहिरिन सक्ने सबै नाकामा निगरानी बढाएर ठाकुरलाई पक्राउ गरिएको हो ।
अनिललाई जिल्ला प्रहरी परिसरको विशेष प्रहरी इकाई र प्रहरी प्रभाग कोटेश्वरको संयुक्त टोलीले राति साढे ८ बजेतिर कोटेश्वरस्थित आकाशे पुल नजिकबाट पुन: नियन्त्रणमा लिइएको हो ।
नेपाल प्रेस
प्रकाशित: २०७९ असार ६ गते ६:३९
प्रतिक्रिया
सम्बन्धित खवर
