सेती नदी खोँचमा मृत पुरुष भेटिए
नेपाल प्रेस
२०७९ असार ११ गते १९:०९
प्रतिकात्मक तस्बिर ।
तनहुँ । शुक्ल गण्डकी नगरपालिकास्थित सेती नदी खोँचमा आज एक युवक मृत फेला परेका छन् ।
नाम, थर, वतन नखुलेको र अनुहार चिन्न नसकिने किसिमका अन्दाजी ४५ वर्षीय पुरुष मृत फेला परेका हुन् ।
जिल्लाको शुक्ल गण्डकी नगरपालिका–५ महरियाघाटमा बायाँ हातमा ट्याटु रहेको व्यक्ति भेटिएको जिल्ला प्रहरी कार्यालयका प्रहरी निरीक्षक राजकुमार विकले जानकारी दिए ।
मृतक पुरुषको शव परीक्षणका लागि दमौली अस्पतालको शव गृहमा राखी पहिचानका लागि आवश्यक अनुसन्धान भइरहेको उनले बताए ।
वर्षा यामको समय भएकाले नदी, खोलाले बगाएर ल्याएको हुनसक्ने जिल्ला प्रहरी कार्यालय तनहुँले जनाएको छ ।
नेपाल प्रेस
प्रकाशित: २०७९ असार ११ गते १९:०९
प्रतिक्रिया
सम्बन्धित खवर
