स्वदेश फर्कन लागेका कोरियन नागरिक कस्तुरीको बिनासहित त्रिभुवन विमानस्थलबाट पक्राउ

काठमाडौं । त्रिभुवन विमानस्थलबाट एकजना कोरियन नागरिक कस्तुरीको बिनासहित पक्राउ परेका छन् । विमानस्थल प्रहरीले जङ जुन जुनलाई मंगलबार नियन्त्रणमा लिएको हो ।

उनले जुत्तामा लुकाएर लैजान लागेको अवस्थामा ७१६ ग्राम कस्तुरीको बिनाको धूलो बरामद भएको प्रहरीले जनाएको छ ।

दुवै खुट्टाका जुत्ताभित्र कस्तुरीको बिना राखेर उनी दक्षिण कोरिया फर्कन लागेका थिए । प्रहरीले शंका लागी जुत्ताको एक्स रे मेसिनमा जाँच गर्दा कस्तुरीको बिना फेला परेको थियो ।