शेखर कोइराला पक्षको भेलामा मन्त्री बडू पनि, अरु को को पुगे ? (तस्बिरहरू)
नेपाल प्रेस
२०७९ असार १६ गते १६:००
काठमाडौं । नेपाली कांग्रेसको शेखर कोइराला समूहले बत्तीसपुतलीस्थित अनुपम फूडल्याण्डमा छुट्टै भेला डाकेको छ ।
आगामी चुनावको तयारी, भ्रातृ संस्था गठन तथा विस्तार, विधान कार्यान्वयन गराउन संस्थापन पक्षलाई दबाब दिन छलफलका लागि भेला गरिएको बताइएको छ । आगामी चुनावमा गठबन्धनको भागबण्डा कसरी गर्ने भन्नेबारेमा समेत पार्टीमा छलफल हुनुपर्ने शेखर समूहको माग छ ।
यीनै विषयमा केन्द्रित रहनेगरी भेला डाकिएको सो पक्षका नेताहरूले जनाएका छन् । अपरान्हः ३ बजेका लागि बोलाइएको भेला नेताहरू जम्मा हुन ढिला भएका कारण अझै सुरू भइसकेको छैन ।
कार्यक्रमस्थलमा अहिलेसम्म नेता कोइराला, पूर्वसहमहामन्त्री डा. रामशरण महत, सांसद सञ्जय गौतमलगायतका नेताहरू जम्मा भइसकेका छन् ।
शेखर समूहको अघिल्ला भेलामा नगएका उद्योग, वाणिज्य तथा आपूर्तिमन्त्री दिलेन्द्रप्रसाद बडू भने आज देखिएका छन् ।
भेलामा शेखर समूहका पदाधिकारी, केन्द्रीय सदस्य र सांसदहरूलाई समेत सहभागी गराइँदैछ ।
तस्बिरहरू : उमेश कार्की ।
नेपाल प्रेस
प्रकाशित: २०७९ असार १६ गते १६:००
प्रतिक्रिया
सम्बन्धित खवर
