‘झिंगेदाउ’ को ‘आगोविना बिँडी जल्दैन’ बोलको गीत सार्वजनिक (भिडिओसहित)

काठमाडौं । केकी अधिकारी र आँचल शर्मा अभिनित चलचित्र ‘झिंगेदाउ’ को ‘आगोविना बिँडी जल्दैन’ बोलको गीत सार्वजनिक भएको छ। भिडियोमा नेपालीपन झल्काउने भाका, पोशाक र दृश्यलाई सुन्दर तरिकाले प्रस्तुत गरिएको छ ।

शान्ति श्री परियार र प्रवीण बेडवालको स्वर रहेको उक्त गीत मुक्त उदासले लेखेका हुन् । संगीत अर्जुन पोखरेलले भरेका छन् ।

भाद्र १७ देखि देशभर रिलिज हुने चलचित्र ‘झिंगेदाउ· का निर्देशक ज्ञानेन्द्र देउजा हुन् । चलचित्रको कथा र संवाद प्रदीप भारद्वाजले लेखेका छन् ।

चलचित्रमा केकी र आँचलसँगै मुकुन्द भुसाल, हिउवाला गौतम, संगम भण्डारी, विजय देउजा, आयन खड्का, अभयराज बराल, कुशल विष्ट र आशा भुसालको अभिनय देख्न सकिनेछ ।