बालेनले बाबुराम भेटे

काठमाडौं । काठमाडौं महानगरपालिकाका मेयर बालेन शाहले पूर्व प्रधानमन्त्री तथा जसपा संघीय परिषद् अध्यक्ष बाबुराम भट्टराईलाई भेटेका छन् ।

आज मेयर शाह भट्टराई भेट्न उनकै घरमा पुगेका थिए । उनले प्रधानमन्त्री पत्नी हिसिला यमी र छोरी मानुषीलाई पनि भेटेका हुन् ।

भेटमा काठमाडौंको विकासका विषयमा छलफल भएको भट्टराईले जनाएका छन् । शाहसँग सपरिवार भेट भएको तस्बिर आफ्नो सामाजिक सञ्जालमा राख्दै उनले भेटका भएका छलफलका विषयमा पनि उजागर गरेका छन् ।

‘काठमाडौं महानगरपालिकाका मेयर बालेन्द्र शाह र सहकर्मीहरूसँग महानगरका समस्या र तिनको समाधान तथा योजनाबद्ध विकासबारे सार्थक संवाद’ उनले लेखेका छन्, ‘सफलताको हार्दिक शुभकामना !’

शाह स्वतन्त्र रूपमा जिते पनि राजनैतिक शीर्ष नेताहरूसँगको भेटघाटलाई बाक्लो पारेका छन् । यस अघि प्रधानमन्त्री तथा कांग्रेस सभापति शेर बहादुर देउवा,एमाले अध्यक्ष केपी शर्मा ओली लगायतलाई भेटिसकेका छन् ।