बुढीगंगा अपडेटः प्रमुखमा एमाले ६०२ मतले अगाडि
नेपाल प्रेस
२०७९ असार २५ गते ७:१०
कैलाली । बाजुराको बुढीगंगा नगरपालिकामा नेकपा एमालेका मेयर र उपमेयरका उम्मेदवारले आफ्नो मतान्तर फराकिलो बनाउँदै लगेका छन् ।
पछिल्लो अपडेटअनुसार एमालेका मेयर उम्मेदवार रामबहादुर बानियाँले प्रतिद्वन्द्वी नेपाली कांग्रेसका रंगबहादुर खातीलाई ६०२ मतले पछि परेका छन् ।
बानियाँले १,५९२ मत पाउँदा खातीले ९९० मत ल्याएका हुन् ।
त्यस्तै उपमेयरमा एमालेकी मायाकुमारी खड्का कुँवरले १५५७ मत पाउँदा कांग्रेसकी रीता शाहीले १०१० मत ल्याएकी छन् ।
मतगणना जारी बुढीगंगाको वडा नम्बर १ र १० को वडा अध्यक्ष भने एमालेले जितिसकेको छ । यहाँ १० वडा छन् । अहिले वडा नं. २ र ८ को मतगणना जारी छ । अहिलेसम्म २७४० मतगणना भइसकेको छ ।
नेपाल प्रेस
प्रकाशित: २०७९ असार २५ गते ७:१०
प्रतिक्रिया
सम्बन्धित खवर
