ट्विटर किन्ने निर्णयबाट पछि हटे मस्क, ४४ अर्ब डलरको कबोल अन्त्य

काठमाडौं । अर्बपति एलोन मस्कले सामाजिक सञ्जाल ट्विटर किन्न आफ्नो ४४ अर्ब डलरको कबोल अन्त्य गर्ने भएका छन् । मर्जर सम्झौताको उल्लंघन भएको आरोप लगाउँदै धनाढ्य मस्कले कबोल समाप्त गर्न लागेका हुन् ।

विश्वका सबैभन्दा धनाढ्य मस्कले यही अप्रिलमा ट्विटर किन्ने निर्णय गरेका थिए । तर, उनको पछिल्लो घोषणाले लामो समयदेखि चलिरहेको बहसमा नयाँ ट्विस्ट लिएको छ ।

ट्विटरले स्पाम र नक्कली खाताहरूको संख्यामा पर्याप्त जानकारी नदिएकाले आफू पछि हटेको उनले बताएका छन् । सम्झौता कार्यान्वयन गर्न कानूनी कारबाही गर्ने योजना रहेको ट्वीटरले जनाएको छ ।

उल्लंघनवापत मस्कले एक अर्ब ब्रेकअप शुल्क र सम्भावित मुद्दाको सामना गर्नुपर्ने प्राप्त विवरणहरुमा जनाइएको छ ।