चलचित्र ‘लण्डन टु पेरिस’को छायाङ्कन सुरु
नेपाल प्रेस
२०७९ असार २५ गते १५:५२
काठमाडौं । चलचित्र लण्डन टु पेरिसको शुभ मुहूर्त हिजो भएको छ । लण्डनको ग्रिनउडमा शुभ मुहूर्त गर्दै छायाङ्कनको शुभारम्भ भएको हो ।
घनश्याम लामिछानेको निर्देशनमा बन्ने उक्त चलचित्रमा साम्राज्ञी राज्यलक्ष्मी शाह, गरिमा शर्मा, निश्चल खड्का र कबिर खड्का लगायतका कलाकारहरू रहेका छन् ।
लण्डनमा फिल्म ३० दिन सुटिङ गर्ने र त्यसको केही समयपछि पेरिसमा ७ दिनको सुटिङ सेड्युल रहेको एक क्रु मेम्बरले जानकारी दिए ।
चलचित्रमा ५० प्रतिशतभन्दा बढी प्राविधिकहरू भारतबाट रहेका छन् ।
चलचित्र गौतम प्रडक्सोन र ए बि इन्टरनेशनलको संयुक्त ब्यानरमा बन्न लागेको हो ।
चलचित्रमा अमित बस्नेत , अजित कुमार थापा र परि राणाको लगानी रहेको छ ।
नेपाल प्रेस
प्रकाशित: २०७९ असार २५ गते १५:५२
प्रतिक्रिया
सम्बन्धित खवर
