१५ वर्षपछि बढुवा भएका एपीएफका अधिकृतले लगाए डीएसपीको फुली
नेपाल प्रेस
२०७९ असार २७ गते १५:५०
काठमाडौं । सशस्त्र प्रहरी बल (एपीएफ) को डीएसपीमा बढुवा भएका ५७ अधिकृतले सोमबार दर्ज्यान्ही चिन्ह लगाएका छन् ।
बढुवा सिफारिस भएको एक सातापछि सशस्त्र प्रहरी महानिरीक्षक (आईजीपी) राजु अर्यालले उनीहरूलाई दर्ज्यान्ही चिन्ह लगाएका हुन् ।
२०६४ सालमा सेवा प्रवेश गरेका उनीहरूको झण्डै १५ वर्षपछि बढुवा भएको हो ।
सशस्त्र प्रहरीमा इन्सपेक्टरबाट डीएसपीमा बढुवा हुन बहालवाला दर्जामा कम्तीमा ४ वर्ष काम गरेको हुनुपर्ने भए पनि सशस्त्र प्रहरीमा सुरूवातमै नेपाल प्रहरी र नेपाली सेनाबाट ल्याएर कर्मचारी पदपूर्ति गरिएकाले बढुवाका लागि लामो समय कुर्नु परेको हो ।
नेपाल प्रेस
प्रकाशित: २०७९ असार २७ गते १५:५०
प्रतिक्रिया
सम्बन्धित खवर
