भानुको भेषमा प्रधानमन्त्री देउवा, आदिकविको प्रतिमामा माल्यार्पण (भिडिओ)

काठमाडौं। प्रधानमन्त्री शेर बहादुर देउवाले नेपाली साहित्यका आदिकवि भानुभक्त आचार्यको प्रतिमामा माल्यार्पण गरेका छन् । प्रधानमन्त्री देउवाले नेपाल प्रज्ञा प्रतिष्ठान,कमलादी पुगेर २०९औँ जन्मजयन्तीको अवसरमा आचार्यको प्रतिमामा माल्यार्पण गरेका हुन् ।  माल्यार्पण गर्न पुगेका  देउवाले  भानुभक्तले लगाउने टाेपी लगाएका थिए ।

आदिकवि भानुभक्त आचार्यको सम्झनामा प्रभावफेरिको आयोजना समेत गरिएको थियो । प्रभावफेरि सहभागी विद्यार्थीहरुले भानुभक्तको पहिरन पहिरिएका थिए । आदिकवि भानुभक्त आचार्यको २०९औँ जन्मजयन्ती आज देश तथा विदेशका विभिन्न स्थानमा विविध कार्यक्रमको आयोजना गरी मनाइएको छ ।

संस्कृत भाषामा लेखिएको अयोध्याका राजा रामको जीवनीलाई भावानुवादसहितको ‘रामायण’ प्रस्तुत गरेर भानुभक्तले नेपाली जनतालाई ठूलो गुन लगाएका छन् । उनले लेखेको रामायण अहिले पनि नेपालीहरूको घरघरमा सस्वर लय हालेर पाठ गरिन्छ ।