गगन-विश्वको बचाउमा बोले गुरुराज- आलोचना गर्ने समय भएको छैन

काठमाडौं । नेपाली कांग्रेसका युवा नेता गुरुराज घिमिरेले महामन्त्रीद्वय गगन थापा र विश्वप्रकाश शर्माको बचाउ गरेका छन् । ट्वीटरमार्फत उनले महामन्त्रीद्वयको आलोचना गर्ने समय अझै नभएको बताएका हुन् ।

‘कांग्रेस महामन्त्री विश्वप्रकाश शर्मा र गगन थापाको आलोचना गर्ने बेला भएको छैन । काम गर्न नसघाउने, परिणाम चाहीँ खोज्ने पवृत्ति ठिक होइन,’ उनले लेखेका छन्, ‘उहाँहरूमा पार्टी चलाउन सक्ने अपार क्षमता छ । परम्परागत चिन्तनले थिचिएको पार्टीमा आफ्नो वुद्धि विवेकले काम गर्ने वातावरण छैन । काम हेरेर पछि टिप्पणी गरौंला ।’

चारदिनदेखि चलेको केन्द्रीय समिति बैठकअन्तर्गत हिजोको बैठकमा महामन्त्रीद्वय थापा र शर्माको चर्को आलोचना भएको थियो ।