कांग्रेसको प्रस्तावित मर्यादाक्रम तरुण दललाई अमान्य, घटुवा गरेर मनोबल गिराइएको गुनासो

काठमाडौं । नेपाली कांग्रेस समर्थित नेपाल तरुण दलले पार्टीद्वारा प्रस्तावित मर्यादाक्रम स्वीकार्य नभएको जनाएको छ । संघले पार्टी सभापति एवं प्रधानमन्त्री शेरबहादुर देउवालाई ज्ञापनपत्र बुझाउँदै प्रस्तावित मर्यादाक्रमले आफूहरुको योगदानको अवमूल्यन गरी घटुवा गरेको गुनासो पोखेको छ ।

संघका अध्यक्ष विद्वान गुरुङले भ्रातृ संस्थाका अध्यक्षहरुको मर्यादाक्रम घटाउने प्रस्ताव फिर्ता लिन र सच्याउनसमेत माग गरेका छन् ।

विभिन्न राजनीतिक संघर्ष र आन्दोलनमा आफ्नो महत्वपूर्ण भूमिका सफलतापूर्वक निर्वाह गरेका तरुण दललगायतका भ्रातृ संस्थाहरुको गौरवपूर्ण इतिहासको उचित मूल्यांकन गर्नु अहिलेको आवश्यकता रहेको अध्यक्ष गुरुङले ज्ञापनपत्रमा औंल्याएक छन् ।

कांग्रेसले पार्टी सभापतिदेखि साधारण सदस्यसम्मको मर्यादाक्रम निर्धारण गरी पार्टी केन्द्रीय समितिको बैठकमा निर्णयार्थ प्रस्तुत गरेको छ ।