मन्त्री सिंहलाई गृहनगरमा १०१ किलोको मालाले स्वागत
जनकपुरधाम । कृषि तथा पशुपंक्षी विकास मन्त्री मृगेन्द्रकुमार सिंहलाई गृहनगर सप्तरीको बोदेबर्साइन नगरपालिका १ मा भव्य स्वागत गरिएको छ ।
जनता समाजवादी पार्टी (जसपा)बाट मन्त्री बनेर पहिलो पटक गृहनगर पुगेका सिंहलाई त्यहाँका मेयर आतेश सिंह यादवले १ सय १ किलोको मालाले स्वागत गरे । मेयर यादव मन्त्रीका सहोदर भतिजा हुन् ।
मन्त्री सिंहको स्वागत गर्न बोदेबर्साइन नगरपालिकाले कार्यक्रमको आयोजना गरेको थियो । स्वागतमा नगरपालिकाले लाखौं खर्च गरेको स्रोतको दावी छ ।
मन्त्री सिंह सप्तरी पुग्ने क्रममा लहानस्थित मधेस आन्दोलनको प्रथम सहिद रमेश महतोको शालिकमा माल्यार्पण गरेका थिए ।
प्रतिक्रिया
सम्बन्धित खवर
