कांग्रेसको केन्द्रीय समिति बैठक सुरू (तस्वीरहरु)

काठमाडौं । नेपाली कांग्रेसको जारी केन्द्रीय समिति बैठक आज पुनः सुरू भएको छ । पार्टी केन्द्रीय कार्यालय सानेपामा केहीबेरअघि बैठक सुरू भएको हो ।

यही असार २७ गतेबाट सुरु बैठक हिजो उपसभामुखको निर्वाचनका कारण हुन सकेन । असार २७ गतेयता आज चौथो दिनसम्म बैठक जारी छ ।

बैठकमा स्थानीय तह निर्वाचनको समीक्षा, समसामयिक राजनीतिक घटनाक्रम, आगामी रणनीति र पार्टी तथा भ्रातृ तथा शुभेच्छुक संघसंस्थाको पूर्णताका विषयमा छलफल भइरहेको कांग्रेस केन्द्रीय कार्यालयले जनाएको छ ।

तस्वीरहरु : उमेश कार्की