बेलायती प्रधानमन्त्रीको रेसमा चारजना बाँकी, ऋषि सुनकको अग्रता कायमै
नेपाल प्रेस
२०७९ साउन ३ गते १६:३४
काठमाडौं । बेलायतका पूर्वअर्थमन्त्री ऋषि सुनक प्रधानमन्त्रीको दौडमा सबैभन्दा अगाडि देखिएका छन् ।
सोमबार कन्जरभेटिभ सांसदहरूले बेलायतको नयाँ प्रधानमन्त्री चयन गर्न तेस्रो चरणको मतदान गर्दा १ सय १५ मतका साथ उनी सबैभन्दा अगाडी रहेका हुन् ।
तेस्रो चरणको मतदानमा पेनी मोर्डन्टले ८२, लिज ट्रसले ७१, क्यामी बेडेनोकले ५८ र टम टुजेन्टले ३१ मत प्राप्त गरेका थिए ।
सबैभन्दा कम मत प्राप्त गरेका कारण टम प्रधानमन्त्रीको दौडबाट बाहिर निस्किएका छन् ।
कन्जरभेटिभ पार्टीका सांसदहरूले दुई दावेदार बाँकी नभएसम्म मतदान जारी राख्नेछन् । दुईजना दावेदार छनोट भएपछि पार्टीका सदस्यहरूले तीमध्येबाट प्रधानमन्त्री चयन गर्नेछन् ।
नेपाल प्रेस
प्रकाशित: २०७९ साउन ३ गते १६:३४
प्रतिक्रिया
सम्बन्धित खवर
