चीनका बैंकहरुमा आर्थिक संकट, प्रदर्शन रोक्न सैन्य ट्याङ्क परिचालन !

काठमाडौं । चीनका बैंकहरुमा आर्थिक संकटको अवस्था देखिएको छ । चीनका हेनान, होङजाओलगायतका प्रान्तका बैंकहरुले गत अप्रिलदेखि निक्षेप रोकेसँगै हाल आम मानिसहरु आफूले जम्मा गरेको पैसा निकाल्न पाउनुपर्ने माग गर्दै प्रदर्शनमा उत्रिएका छन् ।

उनीहरुले गत अप्रिलदेखि नै प्रदर्शन गरिरहेका छन् । आम मानिसहरुको प्रदर्शन पछिल्लो समय झन् चर्किंदै गएको छ । जसको कारण स्याङडोग प्रान्तमा प्रदर्शनलाई दबाउन सैन्य ट्याङ्क नै परिचालन गरिएको अन्तर्राष्ट्रिय सञ्चारमाध्यमहरुले जनाएका छन्।

चीनले भने प्रदर्शनलाई दबाउन नभई प्रदर्शनकारीहरुबाट बैंकहरुलाई जोगाउन ट्याङ्क परिचालन गरिएको जनाएको छ । बैंकहरुले केही समयमै निक्षेप सुचारु गर्ने जनाए पनि आम मानिस भने बैंकको आश्वासनबाट विश्वस्त हुन सकेका छैनन् । सोही कारण हाल चीनमा बैंकविरुद्धको प्रदर्शन तीव्र हुँदै गएको जनाइएको छ ।