थप ३३५ जनामा कोरोना संक्रमण पुष्टि

काठमाडौं । नेपालमा गत २४ घण्टामा थप ३ सय ३५ जनामा कोरोना संक्रमण पुष्टि भएको छ ।

देशभर गरिएको १ हजार ८८ पिसिआर परिक्षणका क्रममा २ सय १६ जना र १ हजार ९ सय ८ एन्टीजेन परिक्षणका क्रममा १ सय १९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यससँगै सक्रिय कोरोना संक्रमितको संख्या २ हजार ९ सय ७१ पुगेको मन्त्रालयले जनाएको छ ।

कोरोनाका कारण शनिबार पनि कसैको मृत्यु भएको छैन भने आज थप ८६ जना कोरोनामुक्त भएका छन् ।

यससँगै हालसम्म ९ लाख ६८ हजार ३ सय ९४ जना निको भएका छन् ।