देशभर ५७७ कोरोना संक्रमित थपिए, थप दुई जनाको मृत्यु
नेपाल प्रेस
२०७९ साउन १३ गते १८:४८
काठमाडौं । नेपालमा पछिल्लो २४ घण्टामा दुई कोरोना संक्रमितको ज्यान गएको छ ।
स्वास्थ्य तथा जनसंख्या मन्त्रालयका अनुसार चार हजार २८२ स्वाब परीक्षण गर्दा ५७७ जनामा कोरोना पुष्टि भएको हो ।
आज दुई हजार ४७४ जनाको पीसीआर परीक्षण गर्दा ३९१ जनामा र एक हजार ८०८ जनाको एन्टिजे परीक्षण गर्दा १८६ जनामा कोरोना देखिएको हो ।
यस्तै संक्रमणबाट थप दुई जनाले ज्यान गुमाएका छन् । योसँगै कोरोनाबाट मृत्यु हुनेको संख्या ११ हजार ९६४ पुगेको छ।
शुक्रवार कोरोनाबाट २६९ जना निको भएका छन् । यससँगै सक्रिय संक्रमितको संख्या चार हजार ३५६ पुगेको छ ।
नेपाल प्रेस
प्रकाशित: २०७९ साउन १३ गते १८:४८
प्रतिक्रिया
सम्बन्धित खवर
