कांग्रेस खाडादेवी गाउँपालिका सभापतिसहितको समूह एमालेमा प्रवेश

काठमाडौं । नेपाली कांग्रेसका गाउँपालिका सभापति नै नेकपा एमालेमा प्रवेश गरेका छन् । रामेछापको खाडादेवी गाउँपालिका कार्य समितिका सभापति तेज घिसिङसहित ७९ जना नेता कार्यकर्ता एमालेमा प्रवेश गरेका हुन् ।

स्थानीय तह निर्वाचनमा नेतृत्वको मनोमानी र घात-अन्तर्घातका कारण पार्टी सदस्यहरुमा चरम निराशा छाएको र पार्टीमा डन र धनको महत्व बढेकाले आफूहरु एमालेमा प्रवेश गरेको घिसिङले बताएका छन् ।

शनिबार युवा संघको केन्द्रीय समिति बैठकका क्रममा नवप्रवेशीहरुलाई एमाले अध्यक्ष केपी शर्मा ओलीले पार्टीमा स्वागत गरेका थिए ।

खाडादेवी गाउँपालिका चुनावमा कांग्रेस माओवादी गठबन्धनलाई एमालेले फराकिलो अन्तरमा पराजित गरेको थियो ।

चुनावलगत्तै नेकपा एसबाट अध्यक्ष उम्मेदवार बनेका श्याम श्रेष्ठ एमाले प्रवेश गरिसकेका छन् भने कांग्रेस गाउँपालिका सभापति घिसिङको समूह शनिबार एमाले प्रवेश गरेको हो ।

प्रवेश गर्नेमा तरुण दलका सभापति एकबहादुर श्रेष्ठ, सचिव हस्त लामा, अमित लामालगायत छन् ।