छोराको कुटपिटबाट बुबाको मृत्यु
नेपाल प्रेस
२०७९ साउन १७ गते ११:१८
तेह्रथुम । तेह्रथुमको छथर गाउँपालिका–५ ठकुरी टोलका ५३ वर्षीय भक्तबहादुर भण्डारीको छोराको कुटपिटबाट मृत्यु भएको छ ।
आज बिहान सवा ६ बजेको समयमा भण्डारीका २४ बर्षीय छोरा टंक भण्डारीले अचानक धान कुट्ने मुश्लिले बुबालाई टाउकोमा प्रहार गरी घाइते बनाएका हुन् ।
शुक्रबारेबाट खटिएको प्रहरी टोलीले खबर प्राप्त भएसँगै घाइतेलाई उपचारको लागी छथर अस्पताल पठाएकोमा उपचारको क्रममा मृत्यु भएको हो ।
घटनामा संग्लग्न छोरा टंक भण्डारी तत्काल फरार रहेको र निजको खोजतलास भईरहेको जिल्ला प्रहरी कार्यालय तेह्रथुमले जनाएको छ।
नेपाल प्रेस
प्रकाशित: २०७९ साउन १७ गते ११:१८
प्रतिक्रिया
सम्बन्धित खवर
