नेपालमा थप ८१४ जनामा कोरोना पुष्टि
नेपाल प्रेस
२०७९ साउन १७ गते १६:५१
काठमाडौं । गत २४ घण्टामा नेपालमा थप ८१४ जनामा कोरोना सङ्क्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ५ हजार ४१५ जनाको परीक्षण गर्दा ८१४ जनामा संक्रमण देखिएको हो ।
पीसीआर विधिबाट ५०९ तथा एन्टीजेन विधिबाट ३०५ जनामा सङ्क्रमण देखिएको मन्त्रालयले जनाएको छ ।
त्यस्तै, आज थप २९९ जना सङ्क्रमणमुक्त भएका छन् ।
आज थपिएकासँगै देशभर सक्रिय सङ्क्रमितको सङ्ख्या ५ हजार १४४ पुगेको छ ।
नेपालमा हालसम्म कोभिड–१९ को सङ्क्रमणबाट ११ हजार ९६८ जनाको मृत्यु भइसकेको छ ।
नेपाल प्रेस
प्रकाशित: २०७९ साउन १७ गते १६:५१
प्रतिक्रिया
सम्बन्धित खवर
