विदेशी मुद्रासहित बेलायती नागरिक विमानस्थलबाट पक्राउ

काठमाडौं । त्रिभुवन अन्तर्राष्ट्रिय विमानस्थलबाट विदेशी मुद्रासहित बेलायती नागरिक पक्राउ परेका छन् ।

मंगलबार थाइ स्माइल एयरलाइन्सको उडानबाट बैंकक जान लागेका बेलायती नागरिक डेभिड होलमिस ९ हजार ७ सय पाउण्ड स्टर्लिङसहित पक्राउ परेका हुन्।

उनले लिएर आएको कालो खैरो रंगको व्यागलाई विमानस्थलको अन्तर्राष्ट्रिय उडानतर्फको प्रस्थान ह्याण्ड ब्यागेज चेकिङ एरियामा स्क्रीनिङ गर्ने क्रममा अवैध रुपमा लुकाईपिछाई लैजान लागेको अवस्थामा उक्त रकमसहित पक्राउ परेको विमानस्थल प्रहरीले जनाएको छ ।

उनलाई आवश्यक अनुसन्धान एवं कानुनी कारबाहीका लागि राजस्व अनुसन्धान विभाग हरिहरभवन ललितपुर पठाइएको प्रहरीले जनाएको छ।