प्रहरीले रोक्न खोज्दा भागेको बोलेरोभित्र बाघको छाला
नेपाल प्रेस
२०७९ साउन २० गते ११:५४
काठमाडौं । कैलाली प्रहरीले बाघको छालासहित चारजनालाई पक्राउ गरेको छ ।
गोदावरी नगरपालिका-२ मा पर्ने बुडरबाट धनगढीतर्फ आइरहेको बोलेरो जीपलाई रोकेर खानतलासी गर्दा बाघको छाला भेटिएको कैलाली प्रहरीले जनाएको छ ।
प्रहरीका अनुसार सुपप्र ०४-००१ च ०००६ नम्बरको बोलेरो जीपलाई रोक्न खोज्दा भागेपछि पिछा गरिएको थियो ।
पक्राउ पर्नेमा कैलालीको चुरे गाउँपालिका-६ का टेकबहादुर रावत, धिरेन्द्र रावत तथा डोटीका समिर वली र वैतडीका राजेन्द्रसिंह भण्डारी रहेका छन् । समिर चालक हुन् ।
रावतद्वय मुख्य कारोबारी भएको र अन्य दुईजना सहयोगी रहेको प्रहरीको दाबी छ । गाडीबाट चार फिट ७ इन्च लामो बाघको छाला बरामद गर्नुका साथै प्लास्टिकको झोलाभित्र २ केजी हड्डी पनि भेटिएको प्रहरीले जनाएको छ ।
नेपाल प्रेस
प्रकाशित: २०७९ साउन २० गते ११:५४
प्रतिक्रिया
सम्बन्धित खवर
