भोजपुर क्याम्पसका विद्यार्थीलाई अध्यापन अनुमतिपत्र लेखन शैलीसम्बन्धी अभिमुखीकरण

भोजपुर । नेकपा एमालेनिकट विद्यार्थी संगठन अनेरास्ववियुको आयोजनामा शिक्षक सेवा आयोगबाट सञ्चालन हुने आधारभूत तहको अध्यापन अनुमतिपत्र लेखन शैलीसम्बन्धी अभिमुखीकरण कार्यक्रम गरिएको छ ।

भोजपुर बहुमुखी क्याम्पस इकाइसँगको सहकार्यमा जिल्ला कमिटीले सञ्चालन गरेको उक्त एक दिने कार्यक्रमको उद्देश्य क्याम्पसका विद्यार्थीहरूलाई शिक्षण क्षेत्रमा प्रवेश गर्न सहजताका लागि क्षमता अभिवृद्धि गर्नु रहेको जिल्ला सचिव निशान राईले बताए ।

कार्यक्रममा एमाले भोजपुरका अध्यक्ष शरणकुमार राई, उपाध्यक्ष मकर खड्का, अनेरास्ववियुका केन्द्रीय सचिवालय सदस्य ध्रुबराज राईलगायत उपस्थित थिए ।