माओवादी केन्द्रको स्थायी कमिटी बैठक शुरु

काठमाडौं । नेकपा माओवादी केन्द्रको स्थायी कमिटीको बैठक शुरु भएको छ । बैठक पार्टी मुख्यालय पेरिसडाँडामा दिउँसोको १ बजे भनिएको बैठक केहीढिला गरी शुरु भएको हो ।

बैठकमा पदाधिकारी टुंगो लगाउने, चुनावी कार्यक्रम बनाउने र नेताहरुको कार्य बिभाजनको बारेमा छलफल शुरु भएको प्रवक्ता कृष्णबहादुर महराले बताए । हिजोको बैठकमा अध्यक्ष पुष्पकमल दाहाल प्रचण्डले २१ सदस्य पदाधिकारी प्रस्ताव गरेका थिए ।

आजको बैठकमा अध्यक्ष प्रचण्डले पार्टीको पदाधिकारी चयन गर्नेछन् । हिजो बसेको बैठकले ‘पदाधिकारीको विषयमा छलफल भएपनि पदाधिकारीको विषय अहिलेसम्म मूर्तरूपले टुंगिएको थिएन ।

अध्यक्ष पुष्पकमल दाहाल ‘प्रचण्ड’को कार्यव्यस्तताले हिजो टुंग्याउन नसकिएको प्रवक्ता कृष्णबहादुर महरा भनाइ थियो । यसअघि बुधबार बसेको पार्टी बैठकले पदाधिकारीबाहेकका सबै समिति टुङ्गो लगाइसकेको छ । खासगरी महासचिवको विषयले कारण माओवादीमा पदाधिकारी चयन पेचिलो बनेको छ ।