गिरीलाई श्रद्धाञ्जली दिन मेडिसिटीमा नेताहरू (तस्बिरहरू)
२०७९ भदौ ५ गते ११:०९
काठमाडौं । नेपाली कांग्रेसका नेता प्रदीप गिरीलाई श्रद्धाञ्जली दिन नेताहरू अहिले मेडिसिटी अस्पताल पुगेका छन् ।
पूर्वराष्ट्रपति रामवरण यादव, कांग्रेस वरिष्ठ नेता रामचन्द्र पौडेल, उपसभापति पूर्णबहादुर खड्का, नेता शेखर कोइरालालगायतका नेता तथा मन्त्रीलगायत अन्य दलका नेता साथै आफन्त शुभचिन्तक अस्पताल परिसरमा भेला भएका छन् ।
उनको पार्थिव शरीरमा फूलमाला लगाउनुका साथै त्यहाँ राखिएको शोक पुस्तिकामा नेताहरूले गिरीको योगदानको स्मरण गरेका छन् ।
उपचारका क्रममा गएराराति नेपाल मेडिसिटी अस्पतालमा उनको निधन भएको थियो ।
साढे ११ बजे देखि २ बजेसम्म सानेपास्थित कांग्रेस केन्द्रीय कार्यालयमा गिरीको पार्थिव शरीर श्रद्धाञ्जलीका लागि राखिनेछ ।
त्यसपछि अन्त्येष्टिका लागि पशुपति आर्यघाटमा लगिने कांग्रेसले जनाएको छ ।
प्रकाशित: २०७९ भदौ ५ गते ११:०९
प्रतिक्रिया
सम्बन्धित खवर
