पैसा फिर्ता नगरेपछि कान्तिपुर सेभिङ एण्ड क्रेडिट सहकारीका बचतकर्ता आन्दोलनमा
नेपाल प्रेस
२०७९ भदौ ५ गते १७:१६
काठमाडौं । शान्तिनगरको कान्तिपुर सेभिङ एण्ड क्रेडिट को-अपरेटिभ लिमिटेडका बचतकर्ताहरू आन्दोलनमा उत्रिएका छन् ।
२५ वर्षदेखि सञ्चालनमा रहेको उक्त सहकारीले आफूहरूको बचत रकम फिर्ता नदिएको भन्दै आन्दोलन थालेका हुन् । सहकारीले भने सबै बचतकर्ता एकैपटक पैसा लिन आएपछि समस्या परेको भनेर पन्सिएको छ ।
फिक्स डिपोजिटमा राखेको बचतको समय अवधि पूरा हुँदासम्म पैसा निकाल्न नदिएको गुनासो बचतकर्ताहरूको छ ।
पीडितमध्येकी एक रमा दाहालले आफ्नो फिक्स डिपोजिटमा राखेको २० लाखको समयसीमा एक साताअघि नै सकिएकोमा आधा मात्रै पैसा दिएर बाँकी पैसा पुन: डिपोजिट गराएर सहकारीले नवीकरण गराएको बताइन् ।
यस सहकारीमा २० हजार सदस्य छन् ।
नेपाल प्रेस
प्रकाशित: २०७९ भदौ ५ गते १७:१६
प्रतिक्रिया
सम्बन्धित खवर
