ढल्केबर-जनकपुर सडकमा शंकास्पद वस्तु भेटियो

जनकपुरधाम । ढल्केबर-जनकपुर सडकखण्ड महेन्द्रनगर नजिकै शंकास्पद वस्तु भेटिएपछि सवारीसाधन ठप्प भएको छ ।

पुलनजिकै सडकमा शंकास्पद कुकर फेला परेको हो । उक्त वस्तु कुकर बम भएको हुनसक्ने आशंका गरिएको छ । बाक्लोरूपमा प्रहरी परिचालन गरिएको छ ।

मधेस प्रदेशमा बन्दको प्रभाव छैन । यद्यपि बन्दकर्ताहरूले नै बम राखेको हुनसक्ने प्रहरीको अनुमान छ । शंकास्पद वस्तुको पहिचान र डिस्पोजका लागि सेनाको टोली त्यस ठाउँमा जाँदै गरेको धनुषा प्रहरीले जनाएको छ ।