हेटौंडा-४ का वडाध्यक्षमाथि कार्यकक्षमै कुटपिट
नेपाल प्रेस
२०७९ भदौ ७ गते २०:४६
हेटौंडा । नेकपा एमाले मकवानपुरका जिल्ला सचिव नवीन सिग्देलमाथि कुटपिट भएको छ । हेटौंडा–४ का वडा अध्यक्ष समेत रहेका सिग्देललाइ जिल्ला खेलकुद विकास समिति मकवानपुरका पूर्वअध्यक्ष रहेका सानू लामाले वडाध्यक्षको कार्यकक्षमा नै कुटपिट गरेका हुन ।
कुटपिटबारे जानकारी दिँदै सिग्देलले भने, ‘ममाथि गलत भएको छ । अहिले म केहि बोल्ने अवस्थामा छैन् । वडाध्यक्ष प्रहरीकोमा निवेदन दिइसकेको छु ।’
जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले वडाध्यक्ष सिग्देलले आफुमाथि कुटपिट भएको भन्दै लामालाई कारबाही गर्न माग गर्दै निवेदन दिएको बताए ।
उनले प्रहरीले कुटपिट गरी फरार रहेका लामाको खोजि कार्य गरिरहेको बताए ।
नेपाल प्रेस
प्रकाशित: २०७९ भदौ ७ गते २०:४६
प्रतिक्रिया
सम्बन्धित खवर
