नेकपा एसले आज पार्टी पुनर्गठन दिवस मनाउँदै
नेपाल प्रेस
२०७९ भदौ ९ गते ७:२९
काठमाडौं । नेकपा एकीकृत समाजवादी पार्टीले आज पार्टी पुनर्गठन दिवस मनाउने भएको छ । आज दिउँसो १ बजे बानेश्वरस्थित अर्पण ब्यांक्वेटमा पुनर्गठन दिवस मनाउन लागिएको हो ।
नेकपा एसले निर्वाचन अयोगबाट पार्टी दर्ता प्रमाणपत्र पाएको दिनको सम्झनामा भदौ ९ गतेलाई पार्टी पुनर्गठन दिवसको रुपमा मनाउन लागेको पार्टी प्रवक्ता जगन्नाथ खतिवडाले बताए ।
पुनर्गठन दिवसको अवसरमा पार्टी अध्यक्ष माधव कुमार नेपाल र सम्मानित नेता झलनाथ खनालले सम्बोधन गर्नेछ । नेकपा एमालेसँग विद्रोह गरेर माधव नेपालले गत भदौमा नयाँ पार्टी दर्ता गराएका थिए ।
नेपाल प्रेस
प्रकाशित: २०७९ भदौ ९ गते ७:२९
प्रतिक्रिया
सम्बन्धित खवर
