एमाले पोलिटब्युरो बैठक जारी
नेपाल प्रेस
२०७९ भदौ ९ गते १२:२२
काठमाडौं । प्रमुख प्रतिपक्षी दल नेकपा एमालेको पोलिटब्युरो बैठक सुरू भएको छ । ललितपुर च्यासलस्थित केन्द्रीय कार्यालयमा बैठक जारी छ ।
बैठक आगामी प्रदेश र प्रतिनिधिसभा निर्वाचनको एजेण्डामा केन्द्रित छ ।
बैठकमा पार्टी अध्यक्ष केपी शर्मा ओलीले भोलिदेखि सुरू हुने केन्द्रीय कमिटीको पाँचौँ बैठकमा प्रस्तुत गर्ने राजनीतिक प्रतिवेदनका बारेमा पनि छलफल हुनेछ ।
आजको पोलिटब्युरो बैठकमा प्रदेश र प्रतिनिधिसभामा कस्ता उम्मेदवार उठाउने, कसरी जाने भन्ने विषयमा छलफल हुने एक नेताले बताए ।
भोलि र पर्सि दुई दिन केन्द्रीय कमिटी बैठक बस्दैछ । यस्तै १२ गते केन्द्रीय निर्वाचन परिचालन कमिटी बैठक तय गरिएको छ ।
यसअघि मंगलबार बसेको स्थायी कमिटीको बैठकले आसन्न प्रतिनिधिसभा तथा प्रदेशसभा निर्वाचनको तयारी एवं रणनीतिबारे छलफल गरेको थियो ।
नेपाल प्रेस
प्रकाशित: २०७९ भदौ ९ गते १२:२२
प्रतिक्रिया
सम्बन्धित खवर
